Կանաչ լոբին ոչ միայն համեղ բանջարեղեն է, նաև շատ օգտակար է։ Մեծ տեղ է գրավում սննդի գործում ինչպես հատիկների, այնպես էլ կանաչ ունդերի գործածությամբ։
Լոբին մշակում են հատիկ և կանաչ լոբի ստանալու համար։ Սպիտակուցային նյութերով լոբու հատիկները մոտենում են մսին։
Լոբու հատիկների մեջ սպիտակուցները կազմում են 20-22% (մսում՝ 20-23%)։ Կանաչ լոբու մեջ սպիտակուցները 6-7% են։ Բացի այդ լոբին պարունակում է մոտ 2% ճարպ և, վերջապես, վիտամիններ ու մարդու օրգանիզմի համար անհրաժեշտ հանքային աղեր։
Բարձրացնում է իմունիտետը։
Դրական ազդեցություն թողնում շնչառական համակարգի վրա, օգնում պայքարել բրոնխային հիվանդությունների դեմ։
Օգտակար է տուբերկուլյոզի ժամանակ։
Բարենպաստ ազդեցություն է թողնում սրտի և անոթների վրա, լավացնում է արյան կազմը, բարձրացնում հեմոգլոբինի մակարդակը, օգտակար է հիպերտոնիայի, աթերոսկլերոզի, սրտի ռիթմի խանգարման դեպքում։
Օգտակար է շաքարային դիաբետ ունեցող մարդկանց համար, քանի որ օժտված է շաքարի մակարդակն իջեցնելու հատկությամբ։
Լավ է ազդում նաև մարսողական համակարգի վրա, լավացնում է աղիների միկրոֆլորան, կարգավորում է նյութափոխանակությունը։
Օգնում է կարգավորել լյարդի, երիկամների և միզապարկի աշխատանքը, ունի միզամուղ հատկություն, կարգավորում է աղային փոխանակությունը, օգնում ազատվել լյարդի, երիկամների և միզաքարային հիվանդություններից։
Բարենպաստ ազդեցություն է թողնում նյարդային համակարգի վրա, ունի հանգստացնող հատկություն։
Ցուցված է ավելորդ քաշ և մաշկային հիվանդություններ ունեցող մարդկանց։
Նպաստում է տղամարդկանց պոտենցիայի բարձրացմանը։