Սիրով ձեզ եմ ներկայացնում մի բաղադրատոմս, որը ինձ տրամադրել է հորաքույրս։ Նա համարվում էր լավագույնը այս գործում։ Ահա երկար տարիների բաղադրատոմսը ՝
Բաղադրամասեր
0,5 լ կաթին ՝
ընդամենը 2 ճ/գ շաքարավազ,
2 հատ միջին չափի ձու,
125 գ կարագ (կարող եք մարգարին էլ օգտագործել, բայց ես գերադասում եմ կարագ),
նաև հարկավոր է ՝
500 մլ տաք ջուր,
1,5 թ/գ աղ,
10 գ թթխմոր,
ալյուր,
վանիլին
Պատրաստման եղանակը
Կաթը խառնեք ջրի հետ և մի փոքր տաքացրեք: Տաք կաթին ավելացրեք շաքարավազը և թթխմորը:
Այդ ամենը խառնեք և թողեք 15-20 րոպե։
Ավելացրեք ձուն, այնուհետև ավելացրեք աղն ու վանիլինը։ Ստացված զանգվածը հարկավոր է լավ խառնել։
Սկսեք աստիճանաբար ավելացնել ալյուրը և կրկին լավ խառնեք:
Թանձր մասսան լցրեք ամանի մեջ: Խմորը պետք է միջին լինի՝ ո՛չ շատ թույլ, ո՛չ շատ թանձր:
Խմորը փակեք և թողեք տաք վայրում, որպեսզի 1-1,5 ժամ հանգստանա: Այն երկու անգամ կմեծանա:
Բացեք խմորը և փքաբլիթի տեսք տվեք։
Թավան տաքացրեք, ավելացրեք ձիթայուղը։
Փքաբլիթները երկու կողմից տապակեք: Դրանք պետք է ունենան ոսկեգույն տեսք: Տապակելուց հետո տեղադրեք սննդային թղթի վրա։ Վերջում վրան կարող եք շաքարի փոշի ցանել։