Բաղադրամասեր
Խմորը պատրաստելու համար անհրաժեշտ է ՝
1 բաժակ մածուն,
1 թ/գ սոդա,
մի պտղունց աղ,
ալյուր ըստ չափաքանակի,
Իսկ միջուկի համար հարկավոր է ՝
400 գ տավարի փափկամիս,
100 գ խոզի յուղոտ փափկամիս
2 հատ մեծ լոլիկ,
1 հատ կծու կարմիր պղպեղ ,
6 պճեղ սխտոր,
2 հատ գլուխ սոխ,
թարմ անանուխ,
մաղադանոս,
աղ, սև և կարմիր պղպեղ
Պատրաստման եղանակը
Պատրաստեքն խմորը։ Մածունը խառնել սոդայի հետ, ավելացնել աղը:
Ալյուրը ավելացնել այնքան, որ ստացվի ոչ շատ պինդ, ձեռքերին չկպնող խմոր: Խմորը 30 րոպե թողնել հանգստանալու:
Մինչ խմորը հանգստանում է, պատրաստենք միջուկը։
Մսաղացով աղալ խոզի և տավարի միսը։
Լոլիկի վրա եռացրած ջուր լցնել և հեռացնել կեղևը: Կծու պղպեղը լվանալ, մեջտեղից կիսել և հեռացնել սերմերը:
Բլենդերի մեջ մանրացնել մաքրած լոլիկը, կծու պղպեղը, մաղադանոսը, անանուխը, սոխը, սխտորը: Համեմել աղով, սև և կարմիր պղպեղներով: Ստացված պյուրեանման զանգվածը լցնել աղացած տավարի և խոզի վրա և լավ խառնել:
Խմորից պատրաստել գնդիկներ, բացել ափսեի չափով: Բացած խմորը տեղափոխել նախօրոք տաքացրած ձիթապատված տապակի մեջ, վրան քսել 1ճ/գ գդալ միջուկից, եփել ջեռոցում 10 րոպե:
Երբ խմորի ծայրերը սկսեն կարմրել, լահամաջոն պատրաստ է:
Այս բաղադրատոմսով պատրաստելու դեպքում շատ համեղ և փափուկ լահմաջո կստացվի։