Բաղադրամասեր
Խմորի համար՝
ալյուր - 0,5 կգ
ձու - 1 հատ,
կաթ - 200 մլ,
կարագ - 50 գ,
աղ - 1 պտղունց,
Լցոնի համար
ընկույզ - 250 գ,
շաքարի փոշի - 250 գ,
դարչին - 0,5 թ/գ,
մեխակ
Օշարակը պատրաստելու համար ՝
շաքարավազ - 200 գ,
ջուր - 200 մլ,
կիտրոնի հյութ - 1 ճ/գ,
Փախլավային քսելու համար ՝
ձվի դեղնուց - 1 հատ,
ջուր - 1 թ/գ,
կարագ - 50 գ,
Անհրաժեշտ է նաև ՝
կարագ - 100 գ
Պատրաստման եղանակը
Խմորը պատրաստելու համար այուրի վրա, ավելացնում ենք աղը, այնուհետև ալյուրի մեջտեղում անց ենք բացում և կոտրում ձուն: Ավելացնում ենք հալեցրած կարագը և տաք կաթը:
Խմորը 10 րոպե հունցում ենք, պետք է ստանանք ձեռքերին չկպչող խմոր: Հունցելուց հետո ծածկում ենք և 30 րոպեով թողնում, որ հանգստանա:
Այնուհետև խմորը բաժանում ենք միանման մասերի և ծածկում սիբիչով: Այսքան բաղադրամասերով կարող եք խմորը բաժանել 15-20 մասի։ Մեծությունը ըստ ցանկության։
Ստացված խմորները օվալաձև բացում ենք, գրտնակում և շերտերին հալեցրած կարագ ենք քսում:
Լցոնը պատրաստելու համար ընկույզը մանրացնում ենք և խառնում շաքարի փոշու, դարչինի և մեխակի հետ: Խմորի վրա մի քիչ լցոն ենք շաղ տալիս:
Փաթաթում ենք շերտը ՝ խմորի ծայրերը ներս մտցնելով։
Յուղաթղթապատ ձևամանի մեջ շարում ենք խմորները:
Ձվի դեղնուցն ու 1 թ/գ ջուրը հարում ենք և քսում բակլավայի վրա: Թխում ենք 200 աստիճան տաքացրած ջեռոցում 10 րոպե, այնուհետև ջերմաստիճանն իջեցնում ենք 180-ի: Փախլավաներին քսում ենք հալեցրած կարագը և շարունակում թխել 40 րոպե:
Օշարակը պատրաստելու համար կաթսայի մեջ լցնում ենք ջուրը, հասցնում եռման, ավելացնում ենք շաքարավազն ու կիտրոնահյութը և խառնում այնքան, մինչև շաքարավազը լիովին հալչի: Թողնում ենք՝ հովանա:
Փախլավայի վրա լցնում ենք օշարակն ու թողնում 4-5 ժամ, որպեսզի վերջինս ներծծվի: