Ներկայացնում եմ շատ թանկարժեք բաղադրատոմս։ Պասուց տոլմայի պատրաստման եղանակը ՝ մայրիկիս բաղադրատոմսով։
Բաղադրամասեր
Թթու կաղամբի առողջ տերևներ
100 գրամ կարմիր լոբի,
100 գրամ ձավար,
100 գրամ ոսպ,
100 գրամ սիսեռ,
3 հատ միջին չափի սոխ ,
1 կապ մաղադանոս ,
1 կապ համեմ,
250 գրամ տոմատ,
250 գրամ բուսական յուղ,
Աղը և պեղպեղը ՝ ըստ ճաշակի
Պատրաստման եղանակը
Լոբին և սիսեռը թրջել և թողնել 4-5 ժամ։
Առանձին-առանձին եփել լոբին, սիսեռը և ոսպը։
Երբ այն պատրաստ լինի զգուշությամբ խառնել իրար։
Սոխառած անել և վրան ավելացնել ձվարը։
Այն ավելացնել սիսեռի, լոբու և ոսպի վրան։
Այդ ամենի վրա լցնել նաև տոմատի կեսը։
Այդ ամենի վրա ավելացնել կտրատած համեմն ու մաղադանոսը, համեմել աղով և պղպեղով և եփել։
Պատրաստ լինելուց հետո թողնել սառչի։
Կաղամբի տերևները լվանալ սառը ջրով:
Տերևների վրա լցնել միջուկն ու փաթաթել: Դնել կաթսայի մեջ, տոմատի մնացած հատվածը խառնել 1,5 բաժակ ջրով և լցնել կաթսայի մեջ:
Եփել մարմանդ կրակի վրա: